Mero bitulo biswas timilai chokhai thanchha - मेरो बिटुलो विश्वाश तिमीलाई चोखै ठान्छ - By Manikratna

शब्द : किरण खरेल ;  संगीत र स्वर : माणिकरत्न     

मेरो बिटुलो विश्वाश तिमीलाई चोखै ठान्छ
तिमी ढाटिदेउ खाली पवित्र छु भनेर
मेरो बिटुलो विश्वाश

तिमी रोइदेउ फेरी दुई बुद आशु पोख्दै
तिमी धोइदेउ ओठमा लागेका दाग मेट्दै
बिशालु आशु तिम्रो अमृत ठानी पिउछु
पत्थरको मुर्तिलाई भगवान सम्झी जिउछु
तिमी ढाटिदेउ खाली पवित्र छु भनेर
मेरो बिटुलो विश्वाश

मैले सुनेको कुरा कथा थियो भनिदेउ
मैले देखेको द्रिश्य झुटो थियो भनिदेउ
तिम्रो हरेक बहाना पत्याइदिन्छु आज
सम्पूर्ण सत्यलाई रित्याइदिन्छु आज
तिमी ढाटिदेउ खाली पवित्र छु भनेर
मेरो बिटुलो विश्वाश

Kina yasari tolako k bho - किन यसरी टोलाको के भो हजुरलाई - By Manikratna

रचना : किरण खरेल;  संगीत : शिवशंकर ;  स्वर :  माणिकरत्न स्थापित

किन यसरी टोलाको के भो हजुरलाई
कुन पापिले लगायो टुना हजुरलाई
किन यसरी

पैले त धेरै हांस्थ्यौ अहिले मुस्काउनै छोड्यौ
जती गिज्याए पनि किन हो रिसाउनै छोड्यौ --२
अली अबेर म आउँदा लाटी भयौ कि क्या हो
मेरो मायामा संसार बिर्सिदियौ क्या हो
किन यसरी टोलाको

आउ नजिक मेरो म होस जगाइदिन्छु
फुक्फाक गरेर छिन्मै म रोग भगाईदिन्छु  --२
भईगो बरु नबोल रिसाइदेउ एक्छिन
आँखा तरेर घुम्टो खसाइदेउ एक्छिन
किन यसरी टोलाको

Jhooth pani yati mitho bolera - झूठ पनि यती मिठो बोलेर मनमा प्यार जगाइदियौ - By Hem Gopal

रचना : राममान त्रिशित, संगीत : शिवशंकर मानन्धर, स्वर : हेम गोपाल    
झूठ पनि यती मिठो बोलेर मनमा प्यार जगाइदियौ
खसाएर तिमीलाई भाग्नै नसक्ने मायाको बार लगाइदियौ
झूठ

यती राम्रोसँग गल्तिलाई ढाक्नु तिम्रो कलाको तारिफ गर्छु
डाकेको बोली पनी गीत जस्तै तिम्रो गलाको तारिफ गर्छु
नजाती कस्तो मेरो स्वप्नबाट संका हजार भगाईदियौ
झूठ

यसरी यो वागमा आयौ कि अर्को कुनै फुल देख्नै नसक्ने भए म
त्यती नजिकै पुगेछु कि तिम्रो कुनै भुल देख्न नसक्ने भए म
लाग्छ मलाई सधैं स्वर्गबाट नौलो बहार मगाइदियौ
झूठ

Euta kuraa ma bhanchu timi laaj namana hai ta - एउटा कुरा म भन्छु तिमी लाज नमान है त - By Shiva Shankar Manandhar

रचना : किरण खरेल संगीत र स्वर : शिवशंकर मानन्धर 

एउटा कुरा म भन्छु तिमी लाज नमान है त
तिमीलाई नियाली हेर्छु आँखा नचिम्ल है त
एउटा कुरा म भन्छु तिमी लाज नमान है त

बालक छदै परीका कथाहरु म सुन्थे
बादलसँगै उडेर एक रात मारी सुन्थे
मेरी अप्सराको मैले अनुहार बताए जस्तो
यो रुप लाग्छ मैले उहील्यै चिताए जस्तो
एउटा कुरा म........, ...........,..................

तिम्रो यो हासो लाग्छ युगयुगदेखी सुनेको
तिमीलाई लाग्छ पहिलो जन्मैदेखी चिनेको 
कहिल्यै नमर्ने मिठो अमृत पिएको जस्तो
आज छ मैले सिङै संसार जितेको जस्तो
एउटा कुरा म .......,..........,.................... 

एउटा कुरा म भन्छु तिमी लाज नमान है त

 

A Phool a Basanta - ए फूल ए बसन्त यसरी न पिछा गर्नु - By Natikaji Shrestha

रचना : राममान तृषित   ; संगीत र स्वर : नातिकाजी श्रेष्ठ

(शिवशंकरको संगीत र ईन्द्र नारायणको स्वरमा पनि रेकोर्ड गरिएको )

ए फूल ए बसन्त यसरी न पिछा गर्नु
फुर्सद त दिनु पलभर रोएर सुखी बन्न
ए फूल ए बसन्त

पंक्षिको मिठो गाना तर श्राप यहाँ बन्छ
सन्ध्याको हावा शितल मन पोल्ने ब्यथा दिन्छ
धर्तिको सुखी ए फूल क्षणभर त दया गर्नु
फुर्सद त दिनु पलभर रोएर सुखी बन्न
ए फूल ए बसन्त

प्रकृतिको हरा जीवन जीवनको चिता बन्छ
मृत्‍युको प्रतिक्षामा दिन ब्यस्त सदा हुन्छ
हे रात तिमी आज बिश्राम यही गर्नु
फुर्सद त दिनु पलभर रोएर सुखी बन्न
ए फूल ए बसन्त

Aashu bahaau uta timi - आँशु बहाउ उता तिमी - By Hari Prasad Rimal

शब्द : म. बि. बि. शाह ; संगीत तथा स्वर : हरी प्रसाद रिमाल  

 

आँशु  बहाउ उता तिमी यता म आह भर्दछु - म भर्दछु
मजबुर छौ - लाचार छु - के गर्दछौ भन के गरौ - म के गरौ

लाचार छु म त्यस्तरी नजदिक भैकन दुर छु - म दुर छु
तकदिरको लेखा कठै के गर्दछौ भन के गरौ - म के गरौ

दिल छन दुई चुर छु टुक्रा कलेजा देख्दछौं  - देख्दछौं  
यो हाल यही छ यताउता के गर्दछौ भन के गरौ - म के गरौ
 आँशु  बहाउ उता तिमी

Hasomaa haina malai rodanmai - हासोमा हैन मलाई रोदनमै रहन देउ

हासोमा हैन मलाई रोदनमै रहन देउ
आकाशमा हैन मलाई धर्तिमै बाँच्न देउ
हासोमा हैन मलाई

मानिस ठुलो हुन्छ यो रुपको पसलमा
केही नबोल्ने बरु आसुलाई पुछ्न देउ
हासोमा हैन मलाई

नौलो यहाँको प्रिती घामछांयाको कहानी
आशुको बिपनाभन्दा सपना नै रोज्न देउ
हासोमा हैन मलाई

Paharamaa baasa basi jharanako - पहरामा बास बसी झरनाको पानी पिउला - By Bachchu Kailash

स्वर : बच्चुकैलाश 
पहरामा बास बसी झरनाको पानी पिउला
सँगसङै जिउन पाए जीवन हाँस्दै काटिदिउला 
पहरामा बास बसी

सुनकोशिको पानी जस्तो चोखो प्रिती लाउन पाए 
दुई खोलाको दोभान जस्तै  सधैंभरी भेट्न पाए 
खेलाकासा खेल्दै बनमा कन्दरामा गीत गाउला
सँगसङै जिउन पाये जीवन हाँस्दै काटिदिउला 
पहरामा बास बसी

दुई छातीको दुइटा मुटु साटिवरी राख्न पाए
चन्द्रमा र चांदनी झै एक अर्काका हुन पाए 
जुनेली भै हामी दुबै रातभरी टल्किदिउला
सँगसङै जिउन पाए जीवन हाँस्दै काटिदिउला 
पहरामा बास बसी

Ko holaa paari daakne - को होला पारी डाकने मिठो गीतमा

को होला पारी डाकने मिठो गीतमा
रंगिन प्यारो सांझमा मायालु सुरिलो आवाजमा
को होला पारी

चन्चल मन भन्दछ जाउ लौ जाउ
उन्कै स्वरमा स्वर मिलाउ
प्रिती लगाउं माया बसाउ
रंगिन प्यारो सांझमा मायालु सुरिलो आवाजमा
को होला पारी

कत्तिको छली नयन त्यो
सागरसरी प्यारमा लिई नजर भरी
कुसुमसरी मुस्कान छरी
रंगिन प्यारो सांझमा मायालु सुरिलो आवाजमा
को होला पारी

Timi Aaune Baato Diyaloko Sato - तिमी आउने बाटो दियालोको साटो दुबै आँखा बालेर - By Puspa Nepali

संगीत : भैरब बहादुर थापा , स्वर : पुष्प नेपाली

तिमी आउने बाटो दियालोको साटो
दुबै आँखा बालेर
ताराजस्तै ब्युँझी तिमीलाई नै सम्झी - २
रात बसी जागेर - २

तिमीले गाउँने गीत गाँए कोइलिसित - २
आँए माला गाँसेर - २
फुलजस्तो जोवन फुलैजस्तो यौवन - २
ल्याएँ माया साँचेर - २
तिमी आउने बाटो दियालोको साटो
दुबै आँखा बालेर - २
ताराजस्तै ब्युँझी तिमीलाई नै सम्झी - २
रात बसी जागेर - २

तिमीले लाउने फुल फुल्यो ढकमक्क - २
पारी पाखा छाएर - २
छाहारिमा खोजे छाँयासंगै सोधे - २
कती मैले धाएर - २
तिमी आउने बाटो दियालोको साटो
दुबै आँखा बालेर - २
ताराजस्तै ब्युँझी तिमीलाई नै सम्झी - २
रात बसी जागेर - २

Ek raat thiyo bharkharkai thiyo - एक रात थियो भर्खरकै थियो उसँग मेरो प्रित - By Jitendra Bardewa

शब्द संगीत र स्वर : जितेन्द्र बर्देवा 
एक रात थियो भर्खरकै थियो उसँग मेरो प्रित
म मुस्काउदथे उ लजाउदथी त्यो रात नै उजेलो थियो  
म छेउ सर्दथे उ पर सर्दथी त्यो भेट नै मौन थियो
एक रात थियो भर्खरकै थियो उसँग मेरो प्रित

केही भन्न खोजी उ अघी सर्दथी तर बोली नै अल्झिदिन्थ्यो
केही भन्छु भनी म अघी सर्दथे मेरो बोली नै अल्पीदिन्थ्यो
केही भन्न नपाई रात ढल्दै जादा मन नमन्दै बिछोडीन्थ्यौ
एक रात थियो भर्खरकै थियो उसँग मेरो प्रित

उ मेरै थिई म उस्कै थिए यो संसारनै अर्को थियो
प्राण धड्कन्दथ्यो मन चन्चल थ्यो हर सुस्केरा कम्पित थियो
म हेरिदिन्थे उ झुकिदिन्थी यो आँखाले केही भन्दिन्थ्यो
एक रात थियो भर्खरकै थियो उसँग मेरो प्रित
..........................

aafnaiharuko chheu bachna - आफ्नैहरुको छेउ बांच्न अती कठिन भो

आफ्नैहरुको छेउ बांच्न अती कठिन भो
आफ्नैहरुको छेउ हांस्न अती कठिन भो

मैले किनार खोज्दा मजधार छेउ आउछ
मैले जङ्घार तर्दा जीवन नै मृत्‍यु बन्छ

मैले हांसेको देख्दा फुलले मलाई गिज्याउछ
मैले रोएको देख्दा किन हो कांडा रमाउछ

जीवनलाई पाल्न भन्दा साच्न अती कठिन भो
आशुलाई पिउन भन्दा हांस्न अती कठिन भो
आफ्नैहरुको छेउ बांच्न अती कठिन भो

Aasis chha timilaai mai jhai runu paros - आशिश छ तिमीलाई मै झै रुनु परोस

आशिश छ तिमीलाई मै झै रुनु परोस
मानिस नचिन्नेलाई पत्थरै हुनु परोस

तिमी धेरै धेरै हांस तर छटपटाइ हांस
रगतको आशु पुछी बिबस भएर हांस
तिम्रो आकाशमा कतै तारा र जुन नहुन
तिम्रो बसन्तमा कतै बास्ना र फूल नहुन

तिमी धेरै धेरै बांच तर ढुङ्गा बन्दै  बांच
एक मुठी माया खोजी कल्पी कल्पी बांच
तिमी पानी पिउन जादा गागरहरु सुकुन
तिमी बाटो खोजी हिड्दा बत्तिहरु निभुन
आशिश छ तिमीलाई मै झै रुनु परोस
मानिस नचिन्नेलाई पत्थरै हुनु परोस

Ekachoti kadalai mwai khane - एकचोटी कांडालाई म्वाइं खाने धोको बांकी छ - By Natikaji Shrestha

स्वर : नातिकाजी श्रेष्ठ
एकचोटी कांडालाई म्वाइं खाने धोको बांकी छ
जिन्दगीको अधेरोमा हराउने धोको बांकी छ

संसारमा म यती सस्तो कि म आँफै मलाई किन्दिन
कस्तो हुन्छ मान्छेको रुप मानिस नै हेरेर चिन्दिन
एकचोटी मुर्दासँग मित लाउने धोको बाँकी छ
जिन्दगीको अधेरोमा हराउने धोको बांकी छ
एकचोटी कांडालाई म्वाइं खाने धोको बांकी छ
जिन्दगीको अधेरोमा हराउने धोको बांकी छ