Timile chumeka aulaaharu timi nai liyera jau - तिमीले चुमेका औलाहरु तिमी नै लिएर जाउ - By Manikratna

रचना : किरण खरेल ; संगीत : शिवशंकर ; स्वर : माणीकरत्न स्थापित

तिमीले चुमेका औलाहरु तिमी नै लिएर जाउ
तिमीले चुनेका गीतहरु तिमी नै समेटी जाउ

एकएक गरेर भन्छु कती भाग्यमानी भन्थ्यौ
मेरो गीत घोच्ने औंला माया गरेर चुम्थ्यौ
तिमीभित्र नै डुबेर मेरा गीत छान्दथें म
तिमीलाई देबताको बरदान ठान्दथें म
तिमीले चुमेका औंलाहरु .........

तिमी के गयौ मबाट मेरो छाया नै बिलायो
मेरै रसिलो गीतले मेरो जिन्दगी जलायो
जब जानेबेला रोयौ मतिर फर्किफर्की
निसास्सी भाग्न थाले मैदेखी तर्कितर्की
तिमीले चुमेका औंलाहरु ..................

Masanga kun janamko yo timi badala - मसँग कुन जनमको यो तिमी बादला लिदैछौ हं- By Manikratna

 रचना : किरण खरेल ,  स्वर : माणीकरत्न स्थापित

मसँग कुन जनमको यो तिमी बादला लिदैछौ हं
हरेक पाइला पाइलामा तिमी धोका दिदैछौ हं

मेरो आशु आशु नै हो नठान पानी यसलाई
मुटु यो मानीसकै हो नठान पुर्जा यसलाई
मलाई बेहोस पारेर किन टाढा हुँदैछौ हं
मसँग कुन ...........................

म निभ्न लागेको बत्ती नफुक बल्नदेउ एकछिन 
भिखारी सम्झेरै भैगो मलाई दान देउ एकदिन
मलाई जिउदै मारेर कती नाफा लिदैछौ हं
मसँग कुन ...................................
..................................................

Naya barsako upalakshyamaa timilai subhakamana - नयाँ बर्षको उपलक्ष्यमा तिमीलाई शुभकामना - By Manikratna

स्वर : माणीकरत्न स्थापित

नयाँ बर्षको उपलक्ष्यमा तिमीलाई शुभकामना

मेरी उशाको लाली तिमीलाई
मेरी ताराको ज्योति तिमीलाई
आजको सिङ्गै दिन तिमीलाई
मेरो सिङ्गै मन तिमीलाई

बिहान झुल्कने पहिलो घाम तिम्रो कपालबाट खुलोस
बैशाखमा फुल्ने पहिलो फूल तिम्रो गालाबाट फुलोस
मेरी उशाको ..........,..........,..........

नयाँ बर्षझै तिमी सबैमा नयाँ उमङ्ग भर्न सक
मेरो आधा उमेर लिई एकदिन बढ्ता बाँच्न सक
मेरी पारुको गीत तिमीलाई
रजनिको जुन तिमीलाई

Malai timro muskana haina - मलाई तिम्रो मुस्कान हैन - By Shiva Shankar Manandhar

रचना : किरण खरेल ; संगीत र स्वर : शिवशंकर मानन्धर

मलाई तिम्रो मुस्कान हैन तिमी नै चाहिन्छ
केवल यौवन हैन जीवन नै चाहिन्छ

सुखमा मलाई रमाउने साथीले मात्रै पुग्दैन
दु:खमा हात समाउने कोही नभै हुँदैन
मलाई तिम्रो ईशारा हैन नजर नै चाहिन्छ
केवल यौवन हैन जीवन नै चाहिन्छ

तिर्खाएको बेला बगेको खोला हेरेर पुग्दैन
एकमुठी चिसो पानी त पिउन नपाई हुँदैन
मलाई तिम्रो छाया त हैन माया नै चाहिन्छ
केवल यौवन हैन जीवन नै चाहिन्छ

Chhatpata garera nai sadhai - छटपट गरेर नै सधैं - By Natikaji Shrestha

रचना : म बि बि शाह ; संगीत तथा स्वर : नातिकाजी श्रेष्ठ 

छटपट गरेर नै सधैं बिती गयो नि रात
छटपट गरेर नै सधैं

दिनमा पनि कहाँ म पांउछु र चयन
तस्बिर उन्कै सामने आएर दिन रात
छटपट गरेर नै सधैं

आईगयो बसन्त ग्रिश्म बर्षा पनि
आशु बनेर नै गयो सरद्को चांदनी
आशु बनेर नै गयो

हेमन्तको बतासमा भयो निराश आस
शिशिरको करुणसरी सारा शरीर छ लाश
छटपट गरेर नै सधैं

Sagara ho swasni manchhe - सागर हो स्वास्नीमान्छे - By Manikratna

स्वर : माणीकरत्न  स्थापित

सागर हो स्वास्नीमान्छे
उ त बुझ पचाउन सक्छे
सारा रहस्य छातीभित्रै लुकाउन सक्छे
सागर हो स्वास्नीमान्छे

अङगालोबाट आफुलाई उ जान्दछे छुटाउन
बिटुला ओठहरुलाई उ सक्दछे पखाल्न
उ अभिनय गरेर आशु खसाल्न सक्छे
भाबुक लोग्नेमान्छेलाई छिन्मै भुलाउन सक्छे
सागर हो स्वास्नीमान्छे

घुम्टो उघारी हेर्दा उ जान्दछे लजाउन
आँखामा धेरै कुरा उ सक्दछे अटाउन
उ अनेक ख्याल पारी पवित्र बन्न सक्छे
हर एक सत्यलाई कहानी भन्न सक्छे
सागर हो स्वास्नीमान्छे

Maanisadekhi tarsi tarsi - मानिसदेखी तर्सी तर्सी - By Omkar Gartaula

रचना : किरण खरेल संगीत तथा स्वर ओमकार गर्तौला

मानिसदेखी तर्सी तर्सी म भागीरहेछु
मलाई कोही नडाक राक्षस बनाउन
मानिसदेखी तर्सी तर्सी

यहाँ सत्य बिक्छ यहाँ माया बिक्छ
सबैभन्दा सस्तो यहाँ मानिस बिक्छ
जगत स्वर्ग पार्छु भनी भन्ने मान्छे
बालकलाई झुक्याएर बिष पिलाउछ
कसोरी सहुं अन्याय धोखा यस्तो
कसोरी रहुं चुपचाप मुर्दा जस्तो
मानिसदेखी तर्सी तर्सी .......
.......................................

घरघरमा दानबको पूजा गरिन्छ
मन्दिरमा भगवानको हत्या गरिन्छ
यहाँ शान्ति ल्याउन जन्मेको मान्छे
कोलाहल मचाइ बहुलाई रहन्छ
कसोरी पिउ रगत मिसिएको पानी
कसोरी जिउ पापलाई पुन्य ठानी
मानिसदेखी तर्सी तर्सी ...........
.............................................

Jasai kesa timile phukaayau - जसै केश तिमीले फुकायौ - By Ambar Gurung

शब्द संगीत स्वर : अम्बर गुरुङ 
जसै केश तिमीले फुकायौ हावा गजबसँग लहरायो
जिन्दगीले हेर मुस्कुरायो
तिमी कौसिमा आई उभियौ कसैले त्यो झ्याल उघार्यो
जिन्दगीले हेर मुस्कुरायो

कलकल झरनामा तिमी नुहायौ
जस्ताइ पहाड झरिमा नुहायो
घाम ताप्दा कलिलो त्यो दिनमा
जिन्दगी नै तिमीमा सुहायो
तिमी बारीको डिलमा उभियौ
तिम्रो आंचल हावाले उडायो
जिन्दगीले हेर मुस्कुरायो

भर्खर लाएकी चोली र सारी
सबै हेर्छन तिमीलाई निहारी
एकछिन पर्खन पुछ मुहार
पसिनाले तिमीलाई सुहायो
जसै डोरिमा रुमाल सुकायौ
अधिर भई त्यो फर्फरायो
जिन्दगीले हेर मुस्कुरायो
..................
.........