Hosiyar yas bakhat samayako mulyalai china होसियार यस् बखत समयको मुल्यलाई चिन - By Bhakta Raj Acharya

रचना : अम्बर गुरुङ संगीत : अम्बर गुरुङ स्वर : भक्तराज आचार्य

होसियार यस् बखत समयको मुल्यलाई चिन
वरिपरिका भिडमा पहिले आफुलाई चिन
होसियार
चिन्नै त पर्छ आफैलाई चिन्दैनौ अहिले नै किन
बितेपछी बित्यो बित्यो पाइन्न फेरी त्यो लिन
होसियार

यो बेला यस्तो बेला हो
यो बेला यस्तो बेला हो सम्हार साथमा उभेको
छलीले अङगालो हालेर पछाडि छुरी धसेको
जो रामको भेष धरेर रावणको कर्तुत गर्दछ
त्यो तिम्रो फुलबारिको बिशालु सर्प हो चिन
होसियार यस् बखत समयको मुल्यलाई चिन
वरिपरिका भिडमा पहिले आफुलाई चिन
होसियार


यस्तो नहोस् कि घाम जुन
यस्तो नहोस् कि घाम जुन बिना तिमी कतै चम्क
कपुतको साथ लागेर आफ्नै घरलाई तिमी लुट
यो देश पृथ्वीको रङ बिरङी फुलबारी हो
प्राण भन्दा प्यारो देशलाई सम्भाल्ने भार तिम्रै हो
होसियार यस् बखत समयको मुल्यलाई चिन
वरिपरिका भिडमा पहिले आफुलाई चिन
होसियार

Kahaa paryo puriba ho kata jhulkyo ghaama कहाँ पर्‍यो पुरिब हो कता झुल्क्यो घाम - By Gopal Yonjan

संगीत तथा स्वर : गोपाल योन्जन

कहाँ पर्‍यो पुरिब हो कता झुल्क्यो घाम
आफ्नो त जन्मै अन्धो बैरागी राम

झरेजस्तो लाग्छ आफु तल तल साथी
हुन्न केही भन्छन सबै गपुगी त माथि
माथि जाने बाटो छैन समाउने लाठो छैन
आफुलाई त दिउसै पनि लाग्छ सधैं राती
आफ्नै चित्त बुझाउन म त भन्छु साथी
आँखा भाको अन्धो भन्दा नदेखेकै जाती

सुन्छु अब कोही भोका नाङगा हुन्न रे
न्यानो घामबाट कोही टाढा हुन्न रे
कस्तो लाग्यो बादलु यो के ले छेक्यो घाम
घरै डढाइ ताप्दा पनि तातो हुन्न अाङ
सुन्छु सधैं खुला हुन्छन ईश्वरको ढोका
मन्दिरकै बाहिर मर्छन भोका रहने मुख
कहाँ पर्‍यो पुरिब हो कता झुल्क्यो घाम
आफ्नो त जन्मै अन्धो बैरागी राम