Malai timro muskana haina - मलाई तिम्रो मुस्कान हैन - By Shiva Shankar Manandhar

रचना : किरण खरेल ; संगीत र स्वर : शिवशंकर मानन्धर

मलाई तिम्रो मुस्कान हैन तिमी नै चाहिन्छ
केवल यौवन हैन जीवन नै चाहिन्छ

सुखमा मलाई रमाउने साथीले मात्रै पुग्दैन
दु:खमा हात समाउने कोही नभै हुँदैन
मलाई तिम्रो ईशारा हैन नजर नै चाहिन्छ
केवल यौवन हैन जीवन नै चाहिन्छ

तिर्खाएको बेला बगेको खोला हेरेर पुग्दैन
एकमुठी चिसो पानी त पिउन नपाई हुँदैन
मलाई तिम्रो छाया त हैन माया नै चाहिन्छ
केवल यौवन हैन जीवन नै चाहिन्छ

Chhatpata garera nai sadhai - छटपट गरेर नै सधैं - By Natikaji Shrestha

रचना : म बि बि शाह ; संगीत तथा स्वर : नातिकाजी श्रेष्ठ 

छटपट गरेर नै सधैं बिती गयो नि रात
छटपट गरेर नै सधैं

दिनमा पनि कहाँ म पांउछु र चयन
तस्बिर उन्कै सामने आएर दिन रात
छटपट गरेर नै सधैं

आईगयो बसन्त ग्रिश्म बर्षा पनि
आशु बनेर नै गयो सरद्को चांदनी
आशु बनेर नै गयो

हेमन्तको बतासमा भयो निराश आस
शिशिरको करुणसरी सारा शरीर छ लाश
छटपट गरेर नै सधैं

Sagara ho swasni manchhe - सागर हो स्वास्नीमान्छे - By Manik Ratna Sthapit

स्वर : माणीकरत्न  स्थापित

सागर हो स्वास्नीमान्छे
उ त बुझ पचाउन सक्छे
सारा रहस्य छातीभित्रै लुकाउन सक्छे
सागर हो स्वास्नीमान्छे

अङगालोबाट आफुलाई उ जान्दछे छुटाउन
बिटुला ओठहरुलाई उ सक्दछे पखाल्न
उ अभिनय गरेर आशु खसाल्न सक्छे
भाबुक लोग्नेमान्छेलाई छिन्मै भुलाउन सक्छे
सागर हो स्वास्नीमान्छे

घुम्टो उघारी हेर्दा उ जान्दछे लजाउन
आँखामा धेरै कुरा उ सक्दछे अटाउन
उ अनेक ख्याल पारी पवित्र बन्न सक्छे
हर एक सत्यलाई कहानी भन्न सक्छे
सागर हो स्वास्नीमान्छे

Maanisadekhi tarsi tarsi - मानिसदेखी तर्सी तर्सी - By Omkar Gartaula

रचना : किरण खरेल संगीत तथा स्वर ओमकार गर्तौला

मानिसदेखी तर्सी तर्सी म भागीरहेछु
मलाई कोही नडाक राक्षस बनाउन
मानिसदेखी तर्सी तर्सी

यहाँ सत्य बिक्छ यहाँ माया बिक्छ
सबैभन्दा सस्तो यहाँ मानिस बिक्छ
जगत स्वर्ग पार्छु भनी भन्ने मान्छे
बालकलाई झुक्याएर बिष पिलाउछ
कसोरी सहुं अन्याय धोखा यस्तो
कसोरी रहुं चुपचाप मुर्दा जस्तो
मानिसदेखी तर्सी तर्सी .......
.......................................

घरघरमा दानबको पूजा गरिन्छ
मन्दिरमा भगवानको हत्या गरिन्छ
यहाँ शान्ति ल्याउन जन्मेको मान्छे
कोलाहल मचाइ बहुलाई रहन्छ
कसोरी पिउ रगत मिसिएको पानी
कसोरी जिउ पापलाई पुन्य ठानी
मानिसदेखी तर्सी तर्सी ...........
.............................................

Jasai kesa timile phukaayau - जसै केश तिमीले फुकायौ - By Ambar Gurung

शब्द संगीत स्वर : अम्बर गुरुङ 
जसै केश तिमीले फुकायौ हावा गजबसँग लहरायो
जिन्दगीले हेर मुस्कुरायो
तिमी कौसिमा आई उभियौ कसैले त्यो झ्याल उघार्यो
जिन्दगीले हेर मुस्कुरायो

कलकल झरनामा तिमी नुहायौ
जस्ताइ पहाड झरिमा नुहायो
घाम ताप्दा कलिलो त्यो दिनमा
जिन्दगी नै तिमीमा सुहायो
तिमी बारीको डिलमा उभियौ
तिम्रो आंचल हावाले उडायो
जिन्दगीले हेर मुस्कुरायो

भर्खर लाएकी चोली र सारी
सबै हेर्छन तिमीलाई निहारी
एकछिन पर्खन पुछ मुहार
पसिनाले तिमीलाई सुहायो
जसै डोरिमा रुमाल सुकायौ
अधिर भई त्यो फर्फरायो
जिन्दगीले हेर मुस्कुरायो
..................
.........

Bujhnai sakinau timile - बुझ्नै सकिनौ तिमीले आँखाको भाका मेरो - By Narayan Gopal

स्वर : नारायण गोपाल

बुझ्नै सकिनौ तिमीले आँखाको भाका मेरो
हजार अर्थ अरुले लाएर के गरु
बुझ्नै सकिनौ तिमीले

मुटु मुटुमा गीत बनी भरिन सक्छु म
अधर अधरमा प्रित बनी छरिन सक्छु म
दोहोर्याइनौ तिमीले मेरो गीत भने सारा
संसारले मिलेर गाएर के गरौ
बुझ्नै सकिनौ तिमीले

सेतो बादल जस्तो निरस यो जिन्दगीलाई
लाचार कामनाले बिबश जिन्दगीलाई
मुस्कानका ईशारा तिमीले दिन सकेनौ भने
संसारको शहारा पाएर के गरु
बुझ्नै सकिनौ तिमीले ..... ....
................................................

Aruko bharama parnu hudaina - अरुको भरमा पर्नु हुँदैन - By Narayan Gopal

स्वर : नारायण गोपाल 
अरुको भरमा पर्नु हुँदैन आफ्नै भरमा ज्युनु
दर्बिलो खुट्टा टेकी सबले गर्बिलो आँखा पार्नु
रैतिहरुमा सिप बढ्यो भने देशको नशिव खुल्छ
हिमचुलिको सुन्तले घामझै हाम्रो देश यो बन्छ

तान चलाऊनु चर्खा काट्नु
रुवो उमारी कपडा बुन्नु
आफ्नै नाच र गानमा रम्नु
स्वाभिमानी भई हिंड्नु
तान चलाऊनु

नुन दिई वा चुन दिई सुनले ढुकुटी भर्नु
सुन भनेको देशको धन हो त्यसको रक्षा गर्नु
हेर फिरङी कस्लान चुस्लान सबले रक्षा गर्नु
तान चलाउनु