Kina maya garda gardai - किन माया गर्दा गर्दै जीवन रिसाइरहन्छ - By Kanhaiya Kumar Joshi

शब्द : किरण खरेल ; संगीत : नातिकाजी ; स्वर : कन्हैया कुमार जोशी

किन माया गर्दा गर्दै जीवन रिसाइरहन्छ - २
किन आज बोल मुटुमा मृत्‍यु सुसाइरहन्छ
किन माया गर्दा गर्दै जीवन रिसाइरहन्छ

कोठाका झ्याल ढोका मलाई आँखा तर्छन - २ 
जीवनका स्वप्न सारा मलाई गाली गर्छन्
मनका हरेक इच्छा रित्याउ जस्तो लाग्छ
किन आज बोल मुटुमा मृत्‍यु सुसाइरहन्छ
किन माया गर्दा गर्दै जीवन रिसाइरहछ

दलिनहरु खसेर मलाई थिच्छु भन्छन - २
भित्ताहरु सरेर मलाई बाटो छेक्छन
आफ्ना मलामी आँफै निम्त्याउ जस्तो लाग्छ
किन आज बोल मुटुमा मृत्‍यु सुसाइरहन्छ
किन माया गर्दा गर्दै जीवन रिसाइरहछ - ३

Baachidinchhu timrai nimti - बाँचिदिन्छु तिम्रै निम्ती - By Gopal Yonjan

संगीत तथा स्वर : गोपाल योन्जन

बाँचिदिन्छु तिम्रै निम्ती,मरिदिन म सक्दिन
लाखौं बाचा यो पिरतिको, सबै निभाउन म सक्दिन
बाँचिदिन्छु तिम्रै निम्ती

संसार सम्म त दिन सक्छु म
बैकुण्ठ दिन त सक्दिन
उज्याली देखी डर लाग्छ भने म
घाम डुबाउन म सक्दिन
निहुरिदिन्छु धर्तिसम्मै
तर सिर टेकाउन सक्दिन
लाखौं बाचा यो पिरतिको, सबै निभाउन म सक्दिन
बाँचिदिन्छु तिम्रै निम्ती

मायाले अंगाली राखौला
ताराले सिंगार्न सक्दिन
मेरो मायाको साक्षी दिन तिमीलाई
ताज बनाउन सक्दिन
यि सत्यहरु मन्दिनौ भने
दिल चिरी देखाउन म सक्दिन
लाखौं बाचा यो पिरतिको, सबै निभाउन म सक्दिन
बाँचिदिन्छु तिम्रै निम्ती

Sapanaa Dekhnu Aghi - सपना देख्नु अघी बिचमै निद खुल्यो - By Yogesh Baidhya

शब्द : रत्न शम्शेर थापा ; संगीत : नातिकाजी ; स्वर : योगेश बैध्य र तारा देवी
हँ हँ हँ हँ हँ हँ हँ हँ ( महिला )
सपना देख्नु अघी बिचमै निद खुल्यो
पुरानो घाऊ फेरी नयाँ भएर उठ्यो
नयाँ भएर उठ्यो
सपना देख्नु अघी
हँ हँ हँ हँ हँ हँ हँ हँ ( महिला )

शरदमै पोल्छ किन यो निलो जुन पनी - २
आँखाको नानी भरी बादल फैलिदियो 
बादल फैलिदियो
सपना देख्नु अघी
हँ हँ हँ हँ हँ हँ हँ हँ ( महिला )

रुकिन खोज्छ किन यो धुक्धुकिनै पनि - २
मुटुमा गाँठो पारी बेदआ चस्किरह्यो
सपना देख्नु अघी बिचमै निद खुल्यो (युगल)
पुरानो घाऊ फेरी नयाँ भएर उठ्यो
नयाँ भएर उठ्यो
सपना देख्नु अघी

Mangala Hos Yes Desako - मंगल होस् यस देशको - By Manik Ratna Sthapit

स्वर : माणिकरत्न स्थापित

मंगल होस् यस देशको मंगल होस् अनी हाम्रो
मंगल् होस् अनी धर्तिभरिका ज्युँदा मान्छेहरुको - २

मंगलमय होस् हिमसमीर अमृतमय होस् हर जलकण - २
कोमलमय होस् धर्तिको माटो निर्मल होस् अनी निलगगन - २
मंगलमय हुन् चन्द्र सुर्य पनि ज्योतिर्मय होस् जीवन
मंगल होस् यस देशको मंगल होस् अनी हाम्रो
मंगल् होस् अनी धर्तिभरिका ज्युँदा मान्छेहरुको - २

Aakhaima raat gali - आँखैमा रात गली शितमा तारा डुबे - By Yogesh Baidhya

शब्द : रत्न शम्शेर थापा ; संगीत : नतिकजी ; स्वर : योगेश बैध्य
आँखैमा रात गली शितमा तारा डुबे
बाटैमा आंधी चले आशाका मुना उडे
आँखैमा रात गली    

धुपी पिपल अनी लहरा पात झुके
जुही सिमल पनि छहरासाथ सुके
बारी बगैचाभरी मुजुर बएली  गए 
बाटैमा आंधी चले आशाका मुना उडे
आँखैमा रात गली     

बादलको बर्को मनी सपना सारा जमे
गाजलको धर्को बनी चाहना सारा थुने
परेला त्रिश्णा जती घुम्तिमा अल्झिदिए
बाटैमा आंधी चले आशाका मुना उडे
आँखैमा रात

Alikati timi abhiman chhoda - अलिकती तिमी अभिमान छोड - By Yogesh Baidhya

शब्द : राममान त्रिशित ; संगीत : शिव शंकर मानन्धर ; स्वर : योगेश बैध्य
अलिकती तिमी अभिमान छोड
अलिकती म अभिमान छोडु
हुन सक्छ अध्यारो जीवनलाई
एक नौलो बिहानी तर्फ मोडु
अलिकती ......................

आँखामा यस्तो गाजल छ तिम्रो
हर फुलको रङलाई छेकिदिने
आँखामा यस्तो सपना छ मेरो
हर रात उज्यालो देखिदिने
अलिकती .......................

हाम्रै हातमा न हो हाम्रो आफ्नो खुशी
तिम्रो मेरो गतिमै हाम्रो मिठो मिलन
किन यस्तो सजिलो मोडमा पनि
तिम्रो पाउमा थकान मेरो पाउमा जलन
अलिकती तिमी .........................
..................................................

Nau lakh tara udaye - नौ लाख तारा उदाए - By Ambar Gurung

शब्द :अगमसिङ गिरी  ; संगीत तथा स्वर : अंबर गुरुङ
हो ...........
नौ लाख तारा उदाए, धर्तिको आकाश हाँसेछ  
सरद लाग्यो बनमा, फुलले प्रिती गाँसेछ
नजली यहाँ झिलिली, मनको तारा निभेछ
गुराँस फुल्यो पहाडमा, मनको फुल झरेछ
नसम्झ आज नेपाली, सन्चोले यहाँ बाँचेको
काँडाकै माझ पहाडी फुल, छैन र कहाँ हाँसेको ?
सुनको सपना आँशुमा , किन हो बाँधी ल्यायौ नि ?
घरको माया बिर्सेर, किन पो यहाँ आयौ नि ?

हो ........
मुटुको रगत एउटै हो , पिरको बह बेग्लै छ
हामीलाई यहाँ चिन्यौ कि , मनको चोट बेग्लै छ
नियाली हेर हामीलाई, भिजेको छैन परेला
आँशुले गह भिजाए , अरुले निर्धा सम्झेला
बुझ्छ र कस्ले रोएको, मुटुमा काँडा लिएर ?
अरुका सारमा हाँसेको, आँशुका घुट्का पिएर
पहाडी फुल नफक्री, किन हो चुडी ल्यायौ नि ?
मनको आगो निभाउन, किन पो यहाँ आयौ नि ?
किन पो यहाँ आयौ नि ?